هلا والله وغلا
يالله حيهم
اقلطوا
القهوه ياولد <<< احسها تناسب اكثر من القهوه يابنت خخخ بدويه هههههه
اخباركم
عسى ماتعبتوا بالطريق وانتوا جايين عندي
يالله تحييهم
المهم غدانا اليوم هو سمك + دجاج ( طبعا دجاج لان محسوبتكم ماتاكل هالنوع من السمك ) هع هع هع فديتها ماماتي مدلعتني
المقادير
بهار سمك + بهار عادي
فلفل اخضر
بصل
كزبره
جزر
زيت للطبخ وزيت للقلي
ثوم
دجاج
سمك
رز
ان شاء الله مانسيت شي
الطريقه
طبعا ماصورتها من البدايه لان ماماتي بدت فيها
المهم هي حطت بالفرامه ( فرامة البصل ) فلفل اخضر + ثوم +كزبره
بعد مافرمته خلته بمكانه
حطت ماء مغلي + دجاج + هيل + دارسين ( قرفه ) + مسمار + ماجي
بعدها حطت عليه اللي فرمته
وخلته يطبخ على النار مدة من نصف ساعه الى ساعه الا ربع تقريبا وهذا شكله بعد ماطبخ
بعدها نقعنا الرز بعد ماغسلناه طبعا
بعدماغسلنا السمك خلطنا بهارات الطبخ مع بهارات السمك مع شوي ملح
ملاحظه : السمك يملح قبل ما يستعمل يعني تنظفينه وتملحينه وتخلينه ساعه الى ساعه ونصف
بعدها تغلينه في زيت الغلي ويكون نظيف ومو كثير الزيت
طبعا ماتقلين السمك الا لما تنضج الدجاجه عشان تقلينها هي بعد مع السمك
طبعا اختياري قلي الدجاج اللي يبي يحمرها بالشوايه
وهذا شكلهم طبعا انتبهوا وانتوا تقلون الدجاج لانه بيعمل العاب ناريه << انحرقت اليوم مسكينه
طبعا ماتشيلونهم من الزيت لاترمون الزيت
انتوا شوفوه وبقولكم بعد شوي ليه
الحين راح تسكبين الزيت على مرق الدجاج اللي عندك وكمان انتبهوا
بعدها نصفي الرز من المويه ونضعه في القدر مع المروق
وتخلينه يغلي وتذوقين ملحه اذا كان اوكي او لا
طبعا تنتظرينه لما يجف وبعدها تغطينه
وبكذا تكون الطبخه اكتملت
يؤيؤيؤيؤيؤيؤيؤ نسيتكم ياضيوفي
بس طبعا انتوا اهل البيت خذوا راحتكم
يلا حياكم على الاكل اقلطوا يالربع
تصدقون ناقصه مشروب غازي <<< ماتقصد ببسي ابد ههههههههه
طبعا بعد ماتتغدون لازم ناكلكم حلى بعده
بس بصراحه ماسويت
فبلطش حلا من اللي انا عملتهم من قبل
تفضلوا هذا الحلا
http://www.3roos.com/forums/t358247.html
اذا عجبكم ضعوا ردا واضيفوا تقييم
